曼聯 車路士大有前途

2019-08-11 10:22:11 来源:网络

蘇B林伯齊玩青春風暴
英超首周即迎來大戰,曼聯今晚坐鎮奧脫福鬥車路士,今場比賽將採用4K直播,大家睇波睇得仲過癮!「車仔」今季履行禁買令兼有夏薩特離隊,少帥林柏特起用新人更添活力,做到李小龍所講嘅「be water」;另邊廂曼聯放走盧卡古,唔再獨沽一味打高波,成功「拆大台」轉為點點開花,兩隊熱身賽都多波入,捧中位數2.5球嘅1.92倍大盤。

(Now 621及611周日晚11時30分直播)

好多人都認為今季英超依然係曼城同利物浦之爭,但世事又點會咁簡單,如果唔係李斯特城3年前都唔會爆大冷奪冠。正所謂年輕就係本錢,好似今晚出場嘅曼聯同車路士,兩位少帥都重用年輕球員,呢股青春風暴唔睇得小。

「蘇B」上季中接手曼聯後,有過一段美好時光,雖然季尾無以為繼出現質疑聲音,但佢起碼做到團結一致抵抗外敵,士氣仲Keep到,兩名總值超過1億4,000萬歐元嘅新兵雲比沙卡同哈利馬古尼係對症下藥嘅收購,今季戰力絕對有所提升。

從6場熱身賽所見,前線拉舒福特、安東尼馬迪爾及麥湯米尼愈嚟愈成熟,甚至年僅17歲嘅格連活特都相當搶鏡,並且每場平均攻入兩球,難怪蘇斯克查大膽放走盧卡古而唔作替補,索性用一班年輕人打江山。

兩軍熱身賽頻演入球騷
車路士今季因轉會禁令「有出無入」,好在有一早買入嘅基斯甸普列錫加盟,加埋大量借將好似羅拔堅尼地、譚美阿巴謙及巴舒亞伊等人回歸,相信一兩年後會踏入收成期,畢竟阿布入主車路士15年以嚟咩錦標都拎過,佢最想見到嘅反而係自給自足,培育出自家球星。

事實上車仔熱身賽表現相當勇武,近3仗出現19個入球,冇咗夏薩特反而令其他球員走多步,互相補位,進攻比以往集中喺夏薩特身上爽朗得多。不過「車仔」最令人擔心始終係防線,林伯喺轉會窗關閉前將前隊友大衞雷斯踢走,可見佢改革嘅決心,但相信短期內會經歷陣痛,今場大盤係最佳選擇。

皇冠足球走地